مودی نے مہاراشٹرا میں عمارت گرنے کے واقعہ پر افسوس ظاہر کیا

نئی دہلی ، 21 ستمبر (یواین آئی ) وزیر اعظم نریندر مودی نے مہاراشٹرا کے بھیونڈی میں پیر کی صبح ایک عمارت کے منہدم ہونےسے جاں بحق ہونے والوں کے تیئں تعزیت کا اظہار کیا ہے۔

مسٹر مودی نے اس حادثے پرافسوس ظاہر کرتے ہوئے ٹویٹ کیا ’’ مہاراشٹرا کے بھیونڈی میں عمارت کے گرنےکی اطلاع موصول ہونے سے دکھ ہوا ۔ حادثے میں مرنے والوں کے اہل خانہ کے تیئں تعزیت ۔ زخمیوں کے جلد صحت یاب کے لئے دعا کرتا ہوں۔ راحتی کام جاری ہیں اور متاثرین کو ہر ممکن مدد فراہم کی جارہی ہے‘‘۔ بھیونڈی میں صبح الصبح 3بجکر 40 منٹ پر ایک کثیر المنزلہ عمارت کے گرنے سے 8 افراد کی موت ہو گئی ۔ راحتی عملے نے اب تک کم از کم پانچ افراد کو بچایا ہے۔