سفید یا براؤن بریڈ، فائدہ مند کونسی؟

عام طور پر لوگ ناشتے یا اپنی روز مرہ زندگی میں ڈبل روٹی کا زیادہ استعمال کرتے ہیں، ڈبل روٹی 2 طرح کی ہوتی ہیں، ایک سادی ڈبل روٹی جبکہ ایک کو براؤن بریڈ کہا جاتا ہے، براؤن بریڈ کو عموماً ڈائٹ غذا کے طور پر استعمال کیا جاتا ہے۔

ہمارے یہاں عام تاثر یہ پایا جاتا ہے کہ براؤن بریڈ وہ لوگ استعمال کرتے ہیں جو بیمار ہوتے ہیں، تاہم ایسا نہیں ہے۔

غذائی ماہرین کے مطابق اس میں کوئی شک نہیں کہ براؤن بریڈ آنتوں کے کینسر اور بھاری وزن کے شکار افراد کے لیے مددگار ثابت ہوتی ہے کیونکہ براؤن بریڈ میں فائبر کی مقدار زیادہ ہوتی ہے اور یہ خالص غذائی اجزاء سے تیار ہوتی ہے۔