بیرون ملک میں پھنسے 17000 سے زائدمیانمار کے شہریوں کی وطن واپسی

ینگون، 3 اکتوبر (ژنہوا) میانمار کی حکومت کا کہنا ہے سرکار نے بیرون ملک میں پھنسے اپنے شہریوں کو واپس وطن لانے کا فیصلہ کیا ہے اور اس سلسلہ میں عالمی وبا کورونا وائرس (کووڈ ۔19) کی وجہ سے اب تک بیرون ملک میں پھنسے ہوئے 17،640 شہریوں کو وطن لایا گیا ہے۔

یہ اطلاع میانمار کی وزارت خارجہ نے ہفتہ کے روز دی۔ وزارت نے بتایا کہ ملک میں کورونا وائرس کے ابتدائی مرحلہ کے بعد سے بین الاقوامی تجارتی ہوائی جہاز کے آپریشن معطل کردیئے گئے ہیں۔ حکومت خصوصی طیارہ کے ذریعے پھنسے ہوئے شہریوں کو واپس لا رہی ہے۔ وزارت خارجہ نے بتایا کہ جمعہ کے روز 54 شہریوں کو کولمبیا اور 147 کوسنگاپور سے دو طیاروں کے ذریعے واپس لایا گیا۔