سوڈان میں مظاہروں کے دوران تشدد ، 8 افراد ہلاک

خرطوم، 16 اکتوبر (ژنہوا) سوڈان کے مشرقی صوبے کسالہ میں ایک احتجاج کے دوران آٹھ افراد ہلاک ہوگئے۔ جمعرات کے روز سوڈان کی حکومت نے یہ اطلاع دی۔

سوڈان کے وزیر اطلاعات اور ترجمان فیصل محمد صالح نے نامہ نگاروں کو بتایا ’’جمعرات کے روز صوبہ کسالہ میں مظاہرین اور سیکیورٹی اہلکاروں کے مابین ایک جھڑپ میں ایک سکیورٹی اہلکار سمیت مجموعی طور پر آٹھ افراد ہلاک ہوگئے۔‘‘

حکومت نے صوبہ کسالہ میں تین دن کے لئے ہنگامی حالات نافذ کرنے کا اعلان کیا ہے۔
سوڈان کے وزیر اعظم عبداللہ حمدوک نے حال ہی میں صوبے کسالہ کے گورنر صالح عمار کو اپنے عہدے سے ہٹا دیا تھا ، جس کے خلاف جمعرات کو لوگ احتجاج کررہے تھے۔
قابل ذکر بات یہ ہے کہ مسٹر عمار کو 22 جولائی کو ہی صوبہ کسالہ کا گورنر مقرر کیا گیا تھا۔