جو بائیڈن کی جیت پر اہلخانہ کے کیا جذبات تھے؟

امریکا کے نو منتخب صدر جوبائیڈن کی صدارتی انتخابات میں کامیابی کے اعلان کے وقت اُن کے اہلخانہ نے ایک ساتھ مل کر اُنہیں گلے سے لگایا جس کی تصویر انٹرنیٹ پر مقبول ہوگئی ہے۔

74 سالہ ڈونلڈ ٹرمپ کو شکست دے کر امریکا کے 46ویں صدر منتخب ہونے والے 77 سالہ جوبائیڈن کی صاحبزادی نومی بائیڈن نے اپنے والد کی کامیابی کے موقع پر سماجی رابطے کی ویب سائٹ ٹوئٹر پر ایک خوبصورت اور جذباتی تصویر شیئر کی ہے۔

11.07.20 pic.twitter.com/HHVJMmIoAW

— Naomi Biden (@NaomiBiden) November 7, 2020

نومی بائیڈن کی جانب سے شیئر کی گئی تصویر میں دیکھا جاسکتا ہے کہ جو بائیڈن کی جیت پر اُن کے اہلخانہ نے جذباتی ہوتے ہوئے اُنہیں گلے سے لگایا ہوا ہے اور اُن کے لیے اپنی خوشی کا اظہار کرتے دکھائی دے رہے ہیں۔

جو بائیڈن کی صاحبزادی نے ٹوئٹر پر تصویر شیئر کرتے ہوئے گزشتہ روز کی تاریخ 07-11-2020 درج کی۔

امریکا کے نو منتخب صدر جو بائیڈن اور اُن کے اہلخانہ کی جذباتی تصویر پر اب تک لاکھوں لائکس آچکے ہیں جبکہ ٹوئٹر صارفین جو بائیڈن کو مبارکباد بھی دیتے دکھائی دے رہے ہیں۔

جو بائیڈن امریکا کے نئے صدر منتخب ہوگئے

واضح رہے کہ ڈیموکریٹ امیدوار جو بائیڈن امریکا کے 46ویں صدر منتخب ہوگئے ہیں، ریاست پنسلوانیا میں ووٹوں کی گنتی مکمل ہونے کے بعد جو بائیڈن کے الیکٹورل ووٹوں کی تعداد 273 ہوگئی۔ جبکہ اُن کے حریف ری پبلکن امیدوار اور موجودہ صدر ڈونلڈ ٹرمپ کے الیکٹورل ووٹوں کی تعداد 214 ہے۔