بائک کے ٹکرانے سے کار میں لگی آگ ،دو زخمی

پرتاپ گڑھ، 20 جنوری (یواین آئی) اتر پردیش میں پرتاپگڑھ ضلع کے تھانہ سٹی کوتوالی علاقے کے پریاگ راج اجودھیا ہائی وے پر بھوپیامو چوراہے کے نزدیک منگل کی شب ایک بائک کو ٹکر مارنے کے بعد کار میں آگ لگ گئی جس کی وجہ سے بائک پر سوار دو افراد زخمی ہو گئے ۔

ڈی ایس پی سٹی ابھے پانڈے نے بتایا کہ پریاگ راج کی جانب سے آرہی تیز رفتار بے قابو کار بھوپیا مو چوراہے کے نزدیک بائک کو ٹکر مارتی ہوئی ڈیوائڈر سے جا ٹکرائی ،جس کے سبب اس میں آگ لگ گئی جبکہ بائک سوار سورج شکلا (24) و شیبو موریہ (25)شدید طور سے زخمی ہو گئے جنہیں علاج کے لیئے ضلع اسپتال لایا گیا جہاں ڈاکٹروں نے حالت نازک دیکھتے ہوئے ایس آر این پریاگ راج ریفر کر دیا ۔