اٹلی میں کورونا سے متعلق پابندیاں 6 اپریل تک نافذ رکھنے کا فیصلہ

روم، 3 مارچ ؛حکومت نے اٹلی میں جان لیوا اور مہلک ترین کورونا وائرس کے پھیلاؤ پر قابو پانے کے لئے موجودہ پابندیوں کو چھ اپریل تک بڑھانے کا اعلان کیا ہے۔اٹلی کے وزیر اعظم ماریو ڈریگی نے ایک سرکاری فرمان پر دستخط کئے جس میں انہیں 6 اپریل تک پابندیوں میں توسیع کرنے کی اطلاع دی گئی تھی۔

اٹلی میں کورونا وائرس کے پھیلاؤ پر قابو پانے کے لئے ، عوامی مقامات پر سوشل ڈسٹنسنگ میں رہنا اور ماسک پہننا لازمی قرار دیا گیا ہے ، اس کے علاوہ لوگوں کو ایک جگہ جمع ہونے پر پابندی عائد کردی گئی ہے۔ اٹلی کی الگ الگ ریاستو ں کو مختلف زمروں میں تقسیم کیا گیاہے۔
قابل ذکر بات یہ ہے کہ اٹلی میں اب تک 29.55 لاکھ افراد کورونا سے متاثر اور 98،288 افراد ہلاک ہوچکے ہیں۔