سعودی عرب اپنی شرطوں سے کبھی پیچھے نہيں ہٹے گا

سعودی عرب کے ایک عہدیدار کا کہنا ہے کہ ہم اسرائیل کے مقابلے اپنی شرائط سے پسپائی نہیں کریں گے سعودی عرب کے ایک عہدیدار نے کہا کہ ریاض صیہونی حکومت کے ساتھ تعلقات کو معمول پر لانے کے خلاف امریکہ سے اعلان کردہ اپنی کسی بھی شرط سے پسپائی اختیار نہیں کرے گا۔

سعودی عرب کے ایک اہلکار نے اپنا نام ظاہر نہ کرنے کی شرط پر صیہونی چینل کو بتایا کہ تل ابیب حکومت کے ساتھ تعلقات کو معمول پر لانے پر ریاض کی ترجیح قومی سلامتی ہے۔

انہوں نے عبرانی زبان کے چینل “کان-11” کو بتایا کہ سعودی عرب کے لیے، ان دنوں ترجیح قومی سلامتی ہے، اس لیے سلامتی کی ضمانتیں، جدید ہتھیاروں کے سودے اور جوہری پروگرام جیسے مطالبات پیش کئے گئے ہیں۔

ایک امریکی اہلکار نے 10 جون کو “اسرائیل ہیوم” اخبار کو بتایا کہ سعودی عرب کی حکومت نے امریکی حکام کے ساتھ مذاکرات میں صیہونی حکومت کے ساتھ تعلقات کو معمول پر لانے کے لیے چار پیشگی شرائط تجویز کی ہیں۔