ووٹر ادھیکار یاترا کا بارہواں دن: راہل تیجسوی نے سیتامڑھی کے جانکی مندر میں کی پوجا

سیتامڑھی، بہار: ریاست بہار میں الیکشن کمیشن کی جانب سے ایس آئی آر کے تحت 65 لاکھ سے زیادہ ووٹروں کے ناموں کو حذف کیے جانے کے خلاف راہل گاندھی اور تیجسوی یادو کی ووٹر ادھیکار یاترا کا آج 12 واں دن ہے۔

آج کی یاترا سیتامڑھی ضلع سے شروع ہوئی ہے۔ اس دوران راہل گاندھی اور تیجسوی یادو نے جانکی مندر میں پوجا کی۔ ریگا کے بعد راہل گاندھی کی یاترا موتیہاری کے راستے آج بیتیہ پہنچے گی۔

سیتامڑھی میں راہل-تیجسوی کی ووٹر ادھیکار یاترا

راہل گاندھی نے آر جے ڈی لیڈر تیجسوی یادو کے ساتھ بہار میں جاری ووٹر ادھیکار یاترا کے حصہ کے طور پر سیتامڑھی کے مشہور جانکی مندر کا دورہ کیا اور پوجا کی۔

اس دوران دونوں لیڈروں نے ماں جانکی کا آشیرواد لیا۔ یہ یاترا بہار میں ووٹروں کے حقوق اور جمہوری اقدار کو فروغ دینے کے مقصد سے شروع کی گئی ہے۔ اس موقع پر مقامی لوگوں نے بھی جوش و خروش کا مظاہرہ کیا اور قائدین کا استقبال کیا۔