بنگال کا طوفان ’ارنب‘ مزید شدت اختیار کرگیا، ہزاروں افراد کی نقل مکانی

بنگال کا طوفان ’ارنب‘ مزید شدت اختیار کرگیا، ہزاروں افراد کی نقل مکانی
طوفان بدھ کی صبح بھارتی ریاست آندھرا پردیش کے ساحلی علاقے سے ٹکرا سکتاہے:
خلیج بنگال میں بننے والا سمندری طوفان ارنب مزید شدت اختیار کرگیا۔

خبر ایجنسی کے مطابق مشرقی ساحل پر سمندری طوفان’ارنب‘ کے پیش نظر ہزاروں افراد کو محفوظ مقامات پر منتقل کردیا گیا ہے جبک ہ متعدد ٹرینیں بھی منسوخ کردی گئی ہیں۔

خبر ایجنسی نے بتایا کہ طوفان بدھ کی صبح ریاست آندھرا پردیش کے ساحلی علاقے سے ٹکرا سکتا ہے جس کے باعث تیز ہواؤں اور شدید بارشوں کی پیش گوئی کی گئی ہے، احتیاطی تدابیر کے طور پر ریاست اڑیسہ کے 5 اضلاع میں آج اور کل اسکول اور کالج بند رکھنے کا اعلان کیا گیا ہے۔

حکام کی جانب سے نیپال میں بھی سیاحوں کو بلند پہاڑی علاقوں میں جانے سے گریز کی ہدایت کی گئی ہے۔

طوفان کے باعث جمعرات کی رات سے ہفتے تک ہمالیائی خطے میں شدید بارش، برفانی طوفان اور برفانی تودے گرنےکا بھی خدشہ ہے۔