بلجیم کے خلاف حملہ آور تیور اختیار کرے گا امریکہ

سالواڈور۔لیگ مرحلے میں کچھ چونکانے والے نتائج دینے والا امریکہ عالمی کپ فٹ بال کے کوارٹر فائنل میں جگہ بنانے کیلئے کل یہاں بیلجیم کے خلاف آخری 16 کے میچ میں حملہ ہی سب سے بڑی حکمت عملی کے ساتھ میدان پر اترے گا۔امریکہ نے ٹورنامنٹ سے پہلے کی تمام پیشن گوئی کو غلط ثابت کرتے ہوئے گروپ جی میں جرمنی کے بعد دوسرا مقام حاصل کیا تھا۔ اس گروپ میں پرتگال اور گھانا جیسی ٹیمیں بھی تھی۔ امریکی کوچ جرگین کا اگرچہ خیال ہے کہ اگر ان کی ٹیم کو ٹورنامنٹ میں چھپا رستم مانے جا رہے بیلجیم کو ہرانا ہے تو ان کی ٹیم کو بہتر کارکردگی کا مظاہرہ کرنا ہوگا۔ ان کی سب سے بڑی فکر حملے کو لے کر ہے۔پہلے مرحلے کے اختتام کے بعد فیفا نے جو اعداد و شمار جاری کئے اس کے انسان امریکہ نے تین میچوں میں صرف 72 بار حملے کئے اور اس زمرے میں وہ 32 ٹیموں میں 31 ویں مقام پر رہا۔ ہلنسمین بیلجیم کے خلاف اس میں تبدیلی چاہتے ہیں۔ ان کی فکر سینٹر
بیک ونسنٹ اور تھامس ورملین کو لے کر بھی ہے جن کے زخمی ہونے کی وجہ سے اس میچ میں کھیلنے کا امکان نہ کے برابر ہے۔کلنسمین نے کہاجرمنی کے خلاف کھیلے گئے میچ سے ہمیں سبق لینے کی ضرورت ہے۔ ہم نے پہلے 20 منٹ حفاطت میں گزارے۔ میں حملہ کی حکمت عملی اپنانے کے لئے چلاتا رہا۔ اس لئے میں نے مشق کے دوران اس پر غور کیا۔ ہماری حکمت عملی حریف پر دباؤ بنانا ہے تاکہ ہمارے لئے زیادہ موقع بنیں۔کلنسمین نے ٹورنامنٹ کے موقع پر کہا تھا کہ ان کی ٹیم کی جیت کے امکانات زیادہ نہیں ہے جس کے لئے امریکی میڈیا میں ان پر تنقید بھی ہوئی تھی۔ لیکن ناک آئوٹ میں پہنچنے کے بعد کلنسمین نے اپنے خیالات بدل دیے۔ ان کا خیال ہے کہ ٹیم فائنل تک پہنچ سکتی ہے اور اس لئے انہوں نے کھلاڑیوںکو 13 جولائی کے فائنل کے بعد واپسی کا ٹکٹ بک کرنے کیلئے کہا ہے۔امریکہ اور بیلجیم ایک دوسرے کے کھیل سے اچھی طرح واقف ہے۔ گزشتہ تین سال میں ان دونوں ٹیموں نے دو دوستانہ میچ کھیلے ہیں۔ ان دونوں میچوں میں بیلجیم فاتح رہا تھا۔ اس نے 2011 میں جبکہ گزشتہ سال مئی میں 4-2 سے جیت درج کی تھی۔ بلجیم بھی جارحانہ تیور اپنانے کی اپنی حکمت عملی پر قائم رہے گا اور ایسے میں یہ میچ سنسنی خیز ہونے کا امکان ہے۔ بلجیم ابھی تک بہت جارحانہ فٹ بال نہیں کھیل پایا لیکن اس کے کوچ مارک ولموٹس اسے قبول نہیں کرتے۔بلجیم نے گروپ مرحلے میں الجزائر، روس اور جنوبی کوریا کو شکست دی لیکن تینوں میچ اس نے بہت کم فرق سے جیتے لیکن ولموٹس اس سے فکر مند نہیں ہے۔انہوں نے کہا اگر آپ مجھ سے پوچھوگے کہ اچھی کارکردگی کا مظاہرہ کرنا ہے کہ میچ جیتنا تو پھر میں جیت درج کرنے کو ترجیح دوں گا۔