ٹرک کی ٹکر سے بزرگ کی موت

لکھنؤ۔(نامہ نگار)گڑمبا علاقے میں موٹر سائیکل سوار بزرگ کو ٹرک نے ٹکر ماردی۔ زخمی بزر گ کو مقامی لوگوں نے ٹراما سینٹر لے جانے کی کوشش کی لیکن موقع پر ہی ان کی موت ہوگئی۔ جانکی پورم کے سیکٹر سی باشندے شیو نارائن (۶۰)بدھ کی شام پانچ بجے کے قریب موٹر سائیکل سے کسی کام سے جارہے تھے۔ کنچنا بہاری روڈ پر ان کی موٹر سائیکل پر پیچھے سے آرہے بے قابو ٹرک نے ٹکر ماردی۔ موٹر سائیکل پر ٹکر لگتے ہی شیو دور جاگرے اور بری طرح سے خون سے لت پت ہوگئے۔ حادثے کے وقت موقع پر لوگوں کی بھیڑ جمع ہوگئی۔ راہگیروں کی مدد سے انہیں اسپتال پہنچانے کی کوشش کی گئی لیکن موقع پر ہی ان کی موت ہوگئی تھی۔ حادثے کی اطلاع پا کر موقع پر پہنچی پولیس نے لاش کو قبضہ میں لے کر پوسٹ مارٹم کیلئے بھیج دیا۔ شیو کے پاس ملے موبائیل فون کی مدد سے اس حادثے کے بارے میں ان کے کنبہ والوں کو بتایا گیا ۔