لاوارث لاش کی ہوئی شناخت

لکھنؤ (نامہ نگار)۔ منگل کی صبح عالم باغ کے ارجن نگر نالے کے نزدیک ملی لاوارث شخص کی لاش کی شناخت بدھ کو پوسٹ مارٹم گھر پراس کے اہل خانہ نے کی ۔مرنے والے کی شناخت اس کے بھائی ببلو نے چندن ولدرام سنگھ باشندہ مدھوبن نگرعالم باغ کے طورپرہوئی ۔متوفی کے بھائی ببلو نے پولیس کو بتایا کہ اس کا بھائی چندن اتوار کوگھر سے نکلا تھا تب سے واپس نہیں لوٹا۔ ببلو نے بتایا کہ جن لوگوںکے ساتھ اس کابھائی اٹھتابیٹھتا تھا وہ لوگ اسمیک کانشہ کرتے تھے ۔ ہو سکتا ہے کہ انھیں لوگوںنے اس کے بھائی کوکسی بات پرمار ڈالا ہو۔ ببلو نے پولیس سے جانچ کامطالبہ کیا ہے ۔