فواد کو ہند وستانی فلموں کا ملنے کا سلسلہ جاری

ممبئی ۔: بھارتی فلم خوبصورت میں اپنی اداکاری کا لوہا منوانے والے پاکستانی اداکار فوادخان کومزیدفلموں میں کام کرنے کی آفرز ملنا شروع ہوگئیں۔نمائندہ ایکسپریس سے خصوصی بات چیت کرتے ہوئے اداکارفوادخان نے کہاکہ میں پاکستانی عوام اورمیڈیاکی وجہ سے آج دنیابھرمیں اسٹارماناجاتاہوں جوبھی خدانے مجھے عطاکیا۔ اس پرمیں اسکا جتنا بھی شکراداکروں کم ہے۔ فواد کا کہنا تھا کہ بھارتی فلم ڈائریکٹرزاورپروڈیوسرکے ساتھ کام کرکے بہت کچھ نیاسیکھنے کوملا، بھارت میں ٹیکنالوجی سے کام لیاجارہاہے مگرخوشی کی بات یہ ہے کہ ہمارے پاکستانی فنکاروں کے کام کوبہت پسند کیا جارہا ہے۔بالی ووڈ فلم ’خوبصورت‘ سے اپنے کیرئیر کا آغاز کرنے والے پاکستانی اداکار فواد خان کی مقبولیت میں دن بدن اضافہ ہوتا جا رہے اور انہوں نے مقبولیت میں بالی ووڈ میگا اسٹار امیتابھ بچن اور مسٹر پرفیکٹ عامر خان کو بھی پیچھے چھوڑ دیا ہے۔بھارتی میڈیا رپورٹس کے مطابق بالی ووڈ اداکاروں کی ماہانہ بنیادوں پر باکس آفس پر ان کی کارکردگی، مقبولیت اور شہرت کی بنیاد پر ریٹنگ دینے والی ویب سائٹ کے مطابق بالی ووڈ فلم ’خوبصورت‘ کے ذریعے اپنے فلمی کیرئیر کا آغاز کرنے والے پاکستانی اداکار فواد خان کا نمبر پانچواں ہے۔ فواد خان نے مقبولیت میں بالی ووڈ میگا اسٹار امیتابھ بچن اور مسٹر پرفیکٹ عامر خان سمیت متعدد بڑے ناموں کو بھی پیچھے چھوڑ دیا ہے۔ویب سائٹ کے مطابق کے 2010 میں بھارتی فلم انڈسٹری میں فلم ’تیرے بن لادن‘ کے ذریعے انٹری دینے والے پاکستانی اداکار علی ظفر کا بھی 38 واں نمبر ہے۔ ویب سائٹ نے ریٹنگ کے اعتبار سے پہلا نمبر سلمان خان کو دیا ہے جب کہ دوسرے نمبر پر ہرتیک روش، تیسرے پر شاہ رخ خان اور چوتھا نمبر اکشے کمار کا ہے۔