سونم اب شاہ رخ خان کے مد مقا بل

ممبئی: سلمان خان کے ساتھ سورج برجاتیہ کی ‘پریم رتن دھن پایو’ میں رومانس لڑانے کے بعد اب سونم کپور ممکنہ طور پر فلم ‘رئیس’ میں شاہ رخ خان کے مقابل نظر آئیں گی۔بولی وڈ کی فیشن اسٹائلش اداکار نے اب تک شاہ رخ کے ساتھ کوئی فلم نہیں کی ہے اور وہ یقیناً ان کے ساتھ کام کرنا پسند کریں گی۔دلچسپ بات یہ ہے کہ سونم نے اپنے کریئر کا آغاز سنجے لیلا بھنسالی کی ‘سانوریہ’ میں رنبیر کپور کے ساتھ کیا جس میں ان کی جوڑی سلمان خان کے ساتھ بھی تھی۔’پریم رتن دھن پایو’ میں سونم روایتی حسینہ کی شکل میں نظر آئیں گی اور ہندی سینما کے زبردست پریم سے عشق لڑائیں گی۔سلمان خان کے ساتھ ان کی آن اسکرین کیمسٹری دیکھنے کے بعد یہ دیکھنا دلچسپی سے خالی نہٰیں ہوگا کہ کنگ خان کے ساتھ سونم کس طرح کے جذبات کا اظہار کرتی ہیں جو کہ ہمیشہ ہی دبنگ خان کو اپنا حریف سمجھتے ہیں۔یاد رہے کہ کنگ خان ان دنوں دیوالی پر ریلیز ہونے والی اپنی فلم ہیپی نیو ایئر کی کامیابی پر بہت خوش نظر آرہے ہیں جس نے اب تک 300 کروڑ سے زائد کا بزنس کر لیا ہے۔جبکہ سونم کپور کی آخری فلم خوبصورت ستمبر میں ریلیز ہوئی تھی جس میں وہ پاکستانی ہیرو فواد خان کے مد مقابل نظر آئی تھیں۔