کرینہ کے ساتھ کام کرنے کی جلدی نہیں :سیف

ممبئی: بالی ووڈ اداکار سیف علی خان کا کہنا ہے کہ انہیں اپنی اہلیہ اور اداکارہ کرینہ کپور کے ساتھ کام کرنے کی کوئی جلدی نہیں ہے۔ بھارتی میڈیا رپورٹس کے مطابق بالی سیف علی خان کا کہنا تھا کہ میں نے خود کرینہ کپور کو اپنی نئی آنے والی فلم ’ہیپی ائنڈنگ‘ میں مرکزی کردار ادا کرنے سے روکا ہے، اگر میں فلم میں کرینہ کے ساتھ مرکزی کردار ادا کرتا تو لوگ کہتے کہ یہ عجیب شخص ہے جو ہر وقت اپنی بیوی کے ساتھ ہی کام کرتا ہے اس لئے مجھے کرینہ کپور کے ساتھ کام کرنے کی کوئی جلد ی نہیں ہے۔سیف علی خان کا کہنا تھا کہ ہم دونوں ایک دوسرے کے ساتھ بہت کام کر چکے ہیں لہذا ہمیں کچھ مختلف کرنا چاہیئے۔ ان کا کہنا تھا کہ میرے لئے یہ خوشی کی بات ہو گی کہ میں مختلف لوگوں کے ساتھ کام کروں اور گھر جا کر کرینہ سے ملوں۔واضح رہے کہ سیف علی خان کی نئی فلم ’ہیپی اینڈنگ‘ 21 نومبر کو سینما گھروں کی زینت بن رہی ہے جس میں گوندا اور الینا ڈی کروز بھی پرفارم کر رہے ہیں جب کہ کرینہ کپور فلم میں مختصر کردار ادا کر رہی ہیں۔اپنے وقت کے سوپر اسٹار راجیش کھنہ اور شرمیلا ٹیگور کی رومانی جوڑی کے ساتھ بنائی گئی 1969ء کی میوزیکل سوپر ہٹ فلم آرادھنا کا ری میک بنانے کی تیاریاں شروع ہوچکی ہیں۔ ساٹھ کے دہے کی اس کلاسک ری میک میں سیف علی خان اور کرینہ کپور خان مرکزی کردار نبھائیں گے۔ اس فلم کو سیف علی خان پروڈیوس کریں گے۔ بہرحال فلم میں راجیش کھنہ کا رول سیف کریں گے جبکہ بیگم سیف اپنی ساسو ماں کا رول کرتی نظر آئیں گی۔