ندی سے نامعلوم شخص کی لاش برآمد

بھٹنی ،دیوریا(نامہ نگار)۔شہر پنچایت کے کیوڑا قبرستان کے درمیان واقع چھوٹی گنڈک ندی کے کنارے سے ایک نامعلوم شخص کی لاش پولیس کے ذریعہ برآمد کی گئی ہے ۔ پولیس کے ایک ترجمان نے بتایا کہ چھوٹی گنڈک ندی میں ایک لاش کو ندی میں تیرتے ہوئے مقامی لوگوں نے دیکھا ۔ لاش ملنے کی اطلاع بھٹنی کو دی گئی ۔ اطلاع ملنے کے بعد تھانہ انچارج سب انسپکٹر موقع پر پہنچے اور لاش کو ندی سے نکلواکر جامہ تلاشی لی گئی ۔ تلاشی کے دوران کچھ برآمد نہیں ہوا ۔ لاش کو پوسٹ مارٹم کے لئے بھیج دیا گیا ہے ۔