ٹریکٹر کی زد میں آکر موٹر سائیکل سوار کی موت

کانپور (نامہ نگار)۔کانپور دیہات کے دیورا ہٹ علاقہ میں کل شام ٹریکٹر کی زد میں آنے کے سبب موٹر سائیکل سوار کی موت ہو گئی ۔ پولیس کے ایک ترجما ن نے بتایا کہ سیلو پور گاؤں کا باشندہ دھرمیندر (۳۸)کل شام موٹر سائیکل سے نونا پور جارہے تھے ۔ سجور گاؤں کے قریب ایک تیز رفتار ٹریکٹر نے موٹر سائیکل میں ٹکر مار دی ۔ ٹکر لگنے سے دھرمیندر کی موقع پر ہی موت ہو گئی۔ حادثہ کے بعد ڈرائیور ٹرک چھوڑ کر فرار ہو گیا۔ پولیس نے مقدمہ درج کرنے کے بعد ڈرائیور کی تلاش شروع کردی ہے ۔