بم دھماکے میں جرائم پیشہ د و افراد ہلا ک، ایک زخمی

کشن گنج، 28 نومبر (یو این ائی) بہار میں اس ضلع کے پوٹھیا تھانہ علاقے کے بڑا پوکھر گاوں میں کل دیر رات ایک بم دھماکہ ہوجانے سے جرائم پیشہ دو افراد ہلاک اور ایک دیگر بری طرح زخمی ہوگیا۔ پولیس کے ذرائع نے آج یہاں بتایا کہ چند جرائم پیشہ افراد کسی بڑی واردات کو انجام دینے کے مقصد سے کل دیر رات جب ایک تھیلے میں بم لے کر جارہے تھے تبھی پوکھر گاوں کے نزد
یک بم دھماکہ ہوگیا جس سے جرائم پیشہ دو افراد موقع پر ہی ہلاک اور ایک دیگر بری طرح زخمی ہوگیا۔ذرائع نے بتایا کہ دھماکے کی آواز سنتے ہی آس پاس کے لوگ جیسے ہی موقع پر پہنچے تبھی کچھ جرائم پیشہ افراد اندھیرے کا فائدہ اٹھاکر فرار ہوگئے۔ لیکن مقامی لوگوں نے زخمی بدمعاش کو دبوچ لیا جسے سخت حفاظتی انتظامات کے دوران ضلع سے متصل بنگال کے اسلام پور میں واقع سرکاری اسپتال میں داخل کرایا گیا ہے۔ پولیس معاملے کی تفتیش کررہی ہے۔