مسافر بس پلٹنے سے دو کی موت

کوربا:چھتیس گڑھ کے کوربا ضلع میں آج صبح ایک مسافر بس کے پلٹ جانے سے اس میں سوار دو مسافروں کی موت ہو گئی۔ حادثے میں تقریباً چالیس مسافر معمولی طور پر زخمی ہو گئے ۔
ضلع پولیس سپرنٹنڈنٹ امریش مشرا نے بتایا کہ صبح قریب چار بجے رائے پور سے جھارکھنڈ کے گڑھوا جا رہی ایک پرائیویٹ بس بلاسپور-امبکاپور شاہراہ پر کاپا نواپارا کے پاس ھسدیو پل کے موڑ پر پلٹ گئی۔
انہوں نے بتایا کہ کل دیر رات بھاری بارش کی وجہ سے سڑک پر پھسل تھی، جس کی وجہ سے موڑ پر مسافر بس پھسل کر پلٹ گئی۔ حادثہ کی اطلاع ملنے پر مورگا تھانہ پولیس موقع پر پہنچ گئی۔ پولیس نے بس میں دبے دو مسافروں کی لاشیں برآمد کیں۔
معمولی طور پر زخمی بس کنڈیکٹر کے مطابق دیگر مسافروں کو معمولی چوٹیں آئی تھیں، جنہیں ایک دوسری بس سے ان کی منزل کے لئے روانہ کر دیا گیا۔