ٹرین کی زدمیں آکر ایک شخص کی موت

بریلی:ریلوے پھاٹک بند ہونے کے باوجود ریلوے لائن پا ر کرنے کی کوشش کر رہے ایک شخص کی آج صبح ٹرین کی زد میں آکر موت ہو گئی ۔ شناخت کے بعد لاش کو پوسٹ مارٹم کے لئے بھیج دیا۔ قلعہ تھانہ علاقے میں سٹی شمشان کی زمین کے پاس واقع ریلوے کراسنگ پر آج صبح ہوئے حادثے میں قلعہ کے ہی محلہ ملوک پور میں چمن مٹھیا کے نزدیک رہنے والے راجیندرکمار ساغر کی موت ہوگئی۔ پوسٹ مارٹم ہاو¿س پر موجود متوفی کے کنبہ والوں نے بتایاکہ راجیندر گھر پر ہی چپلیں بنا کر انہیں پھیری لگاکر فروخت کرتاتھا۔ آج صبح یومیہ کی طرح گھر سے چپل فروخت کرنے کےلئے نکلا تھا۔ جب وہ چپلوں سے بھرا بیگ لے کر سٹی شمشان ریلوے پھاٹک پر پہنچاتو گیٹ مین نے گوہار ی ایکسپریس آنے کے سبب ریلوے پھاٹک بند کردیاتھا۔ لیکن راجیندر پھاٹک کے نیچے سے نکل کر لائن پارکرنے لگا۔ اسی دوران ٹرین آگئی اور وہ ا س کی زدمیں آگیا جس سے اس کی موقع پر ہی موت ہو گئی۔