“من کی بات” کے ایک سال مکمل ہونے پر خصوصی پروگرام

نئی دہلی:وزیراعظم نریندر مودی کے پروگرام “من کی بات ”کے ایک سال مکمل ہونے کے موقع پر آکاشوانی پیر کے روز ایک خصوصی پروگرام پیش کرے گا۔اس پروگرام کو“ایک سال جن جڑا” کا نام دیا گیا ہے اور اسے صبح ساڑھے نو بجے سبھی قومی چینلوں، اندر پرستھ، ایف ایچ گولڈ نیٹ ورک اور ایف ایم رینبو چینلوں پر سنا جاسکتا ہے ۔ من کی بات پروگرام کا آغاز پچھلے سال تین اکتوبر کو ہو اتھا اور اب تک اس کی بارہ قسطیں پیش کی جاچکی ہیں۔ مسٹر مودی نے اس پروگرام کے ایک سال مکمل ہونے پر ملک کے عوام کو مبارک دیتے ہوئے کہا کہ آپ کے خیالات اور تجاویز سے یہ پروگرام مسلسل بہتر ہوا ہے ۔وزیراعظم ہر ماہ ایک اتوار کو اس پروگرام کے توسط سے مختلف موضوعات پر ملک کے لوگوں سے من کی بات کہتے ہیں۔