برطانوی پولیس افسرکا برتنوں کی مدد سے میوزک بجانے کا مظاہرہ

لندن:مجرموں کا تعاقب کرتے اور جرائم کی روک تھام کیلئے قوانین پر عملدرآمد کرواتے پولیس اہلکار توآپ نے کئی دیکھے ہونگے لیکن ڈیوٹی کے دوران اگر تھوڑی بہت تفریح کرلی جائے تو دماغ بھی تروتازہ ہوجاتا ہے ۔برطانوی شہر برمنگھم کے ایک شاپنگ مال کے باہر ڈیوٹی پر تعینات پولیس افسر نے کچن میں استعمال ہونے والے برتنوں کی مدد سے ڈرم بجانے کا شاندار مظاہرہ کیا،پولیس افسر کے اس حیرت انگیز مظاہرے کے دوران سیکڑوں افراد وہاں جمع ہوگئے اور موسیقی سے خوب لطف اٹھایا۔