نئی دہلی:کانگریس نے اتر پردیش کے اسمبلی انتخابات کی تشہیر کے لئے سٹار کمپینروں کی فہرست جاری کر دی ہے جس میں سابق وزیر اعظم منموہن سنگھ اور پارٹی کی صدر سونیا گاندھی، نائب صدر راہل گاندھی اور محترمہ پرینکا گاندھی شامل ہیں۔ اس فہرست میں فلم اداکارہ نغمہ سمیت سات خواتین بھی ہیں۔ کانگریس نے آج یہاں ریاستی اسمبلی انتخابات کے لئے 40 اسٹار کمپینروں کی فہرست جاری کی۔ اس فہرست میں تجربہ کار اور نوجوان لیڈروں کے درمیان ہم آہنگی پیدا کرنے کی کوشش کی گئی ہے ۔بھارتیہ جنتا پارٹی (بی جے پی) پہلے ہی 40 اسٹار کمپینروں کی فہرست جاری کر چکی ہے ۔
فہرست میں غلام نبی آزاد، احمد پٹیل، کمل ناتھ، راج ببر، جناردن دیویدی، پرمود تیواری، سلمان خورشید، جیوتی سندھیا، سچن پائلٹ، نرمل کھتری، بھوپندر سنگھ ہڈا، رندیپ سنگھ سورجے والا، منیش تیواری، راجیو شکلا اور سنجے سنگھ کے نام اہم ہیں۔ کانگریس نے سات خواتین کو بھی اپنی تشہیری مہم شامل کیا ہے ۔ ان میں محترمہ شیلا دکشت، محترمہ نغمہ، محترمہ وجے لکشمی سادھو، محترمہ شوبھا اوجھا، کماری شیلجا اور میرا کمار شامل ہیں۔
