مشہور فٹ بالر شیباجی بنرجی کی موت پر ممتا بنرجی کا صدمہ

کلکتہ:مغربی بنگال کی وزیرا علیٰ ممتا بنرجی نے مشہور فٹ بال گول کیپر شیباجی بنرجی کی موت پراظہار افسوس کیا ہے ۔
وزیر اعلیٰ نے ٹوئیٹ کرتے ہوئے لکھا ہے کہ انہیں مشہور فٹ بال گول کیبر شیباجی بنرجی کی موت سے بڑا صدمہ ہوا ہے ۔میں ان کے اہل خانہ، دوستوں سے تعزیت کرتی ہوں ۔
کل شام موہن بگان ٹیم میں گول کیبر رہ چکے شیباجی بنرجی کا کل شام دل کا دورہ پڑنے کی وجہ سے کی موت ہوگئی تھی۔ان کی عمر 60 برس تھی۔ان کے پسماندگان میں بیوی اور بیٹا ہے ۔
موہن بگان کے سابق کھلاڑی اور کوچ سبرتو بھٹا چاریہ نے کہا کہ میں صدمے میں ہوں ، کیوں کہ چند گھنٹے قبل ہی میری ان سے ملاقات ہوئی تھی۔ایک دوسرے فٹ بالر گوتم سرکار نے کہا کہ شیباجی وہ ہندوستان کے بہترین گول کیپروں میں سے ایک ہے ۔انہوں نے اپنے کیرئیر کا آغاز ہوڑہ یونین سے کیا تھا ۔انہو ں نے 1977سے 1985کے درمیان بہترین کھیل کا مظاہرہ کیا ۔انہوں نے موہن بگان کو کئی موقعوں پر جیت دلائی ہے ۔