سیتاپور : اترپردیش سیتاپور ضلع کے صدرپور علاقے میں مینتھا آئل کا ٹینک پھٹنے سے نو افراد جھلس گئے جس میں چھ کی حالت تشویشناک ہے ۔ پولیس ذرائع نے آج یہاں بتایا کہ کل رات تقریباً دس بجے بردھا گاؤں میں واقع روشن لال کے مینتھا آئل کا ٹینک اچانک پھٹ گیا ۔
اس حادثے میں روشن لال کی بیوی اور بچوں سمیت نو افراد جھلس گئے ۔ تمام متاثرین کو پہلے محمودآباد میں واقع ہیلتھ سینٹر لے جایا گیا۔ بعد میں چھ لوگوں کی تشویشناک حالت دیکھتے ہوئے لکھنؤ کے ٹراما سینٹر میں بھیج دیا گیا ہے ۔ انہوں نے بتایا کہ اس سلسلے میں چھان بین کی جا رہی ہے ۔
