داعش کے قبضہ والی مسجد النوری پر عراقی فوج کا قبضہ

موصل، عراقی فوج نے آج موصل کی تاریخی مسجد پر قبضہ کرلیا ، جس کو حال ہی میں داعش کے جنگجوؤں نے دھماکہ کرکے شہیدکردیا تھا۔ یہ اطلاع عراقی فوج کے ایک بیان میں دی گئی ہے ۔ یہ موصل کی وہی مسجد ہے جہاں داعش کے لیڈر ابوبکر البغدادی نے اپنی خودساختہ خلافت کا اعلان کیا تھا۔

فوج کے بیان میں کہا گیا ہے کہ جامع النوری پر قبضہ کرنا موصل میں عراقی فوج کی فتح کی علامت ہے ، جہاں عراقی فوجی دستے گزشتہ آٹھ ماہ سے برسرپیکار تھے ۔ شمالی عراق کا یہ شہر اسلامک اسٹیٹ (داعش) کی راجدھانی شمار کیا جاتا تھا۔داعش کے جنگجوؤں نے ایک ہفتہ قبل عہد وسطی سے تعلق رکھنے والی اس تاریخی مسجد کو دھماکہ سے شہیدکردیا تھا۔ اس مسجد پر جون 2014 سے داعش کا سیاہ پرچم لہرایا ہوا تھا۔