بدمعاشوں نے تاجر کو گولی مار کر ہزاروں کی نقدی لوٹی

پرتاپ گڑھ، 12 دسمبر (یواین آئی) اتر پردیش میں پرتاپ گڑھ ضلع کے تھانہ سٹی کوتوالی علاقے کے الہ آباد فیض آباد قومی شاہراہ پر جوگا پور میں گزشتہ شب کچھ بدمعاش آئل ایجنسی کے مالک کو گولی مار کر ہزاروں روپیہ لوٹ کر فرار ہو گئے ۔

ایس ایچ او رویندر شری واستوا نے بتایا کہ گزشتہ شب جوگا پور واقع آدرس آئل ایجنسی کے مالک وویک کمار سنگھ عرف شانو (25) 70 ہزار روپیہ بیگ میں رکھ دوکان بند کرکے جیسے ہی اسکوٹی سے گھر کیلئے روانہ ہوئے اسی دوران بائکپر سوار بدمعاش بیگ چھیننے لگے ۔ جب انہوں نے مزاحمت کی تو بدمعاش گولی مار کر روپیہ والا بیگ لوٹ کر فرار ہوگئے ۔ شدید زخمی حالت میں علاج کیلئے ضلع اسپتال لایا گیا جہاں ڈاکٹروں نے نازک حالت دیکھتے ہوئے میڈیکل کالج الہ آباد ریفر کر دیا ۔ وقوعہ کی تحقیقات کی جارہی ہے ۔