ماروتی اورآٹوکارکی ٹکر،آٹھ افرادزخمی

رامپور: تھانہ عظیم نگر علاقہ میں ماروتی اورالٹوگاڑی میں ٹکر ہوجانے کی وجہ سے آٹھ افرادسنگین طورپر زخمی ہوگئے۔موصولہ اطلاع کے مطابق رامپورسوارروڈ پر پرچئی گائوں تقریبا سواچاربجے مونگاپانڈے کی ماروتی سے سامنے سے آنے والی ایک آٹوگاڑی سے ٹکرہوگئی اورعلاقہ میں کہرام مچ گیااطلاع ملتے ہی تھانہ عظیم نگرپولیس موقع پر پہنچ گئی اورزخمیوںکو اسپتال پہنچایا۔

ٹکراتنی زبردست ہوئی تھی کہ دونوں گاڑیوں کے پراخچے اڑگئے ۔ بڑی مشکل سے زخمیوں کوباہر نکالاگیا ۔ آٹومیں سوارکمل یادواورنورعلی سوارتھے ۔وین میں نعیم خان ،تفضیل،آصف ،محمدنور،غلام علی اورجیلانی سوار تھے جو کہ منڈاپیٹھ جارہے تھے۔زخمیوںکو ایمبو لینس سے اسپتال لے جایا گیا۔ واقعہ میں آٹھ افراد زخمی ہوگئے۔