بلندشہر: کار۔کنٹینر میں ٹکر، 2 کی موت

بلند شہر: 13 مئی(یواین آئی) اترپردیش کے ضلع بلند شہر میں پیر کو کنٹینر اور کار کی ٹکر میں ایک جوڑے کی موت ہوگئی جبکہ دیگر دو افراد شدید طور سے زخمی ہوگئے۔

پولیس نے بتایا کہ ضلع دھوڑی بچھیڑی گاؤں باشندہ روپچندر، اجیت سنگھ، ہیملتا اور ندھی ڈبائی تحصیل کے گرام دانپور سے شادی تقریب میں شرکت کرنے کے بعد کار سے صبح گھر لوٹ رہے تھے کہ اس درمیان شکار پور روڈ واقع احمد گیس ایجنسی کے کنٹینر کو اوور ٹیک کرنے کی کوشش کرنے لگے۔