آپ کےرکن ِ اسمبلی نریش یادو کے قافلے پر حملہ، ایک کی موت

نئی دہلی، 12 فروری ( یواین آئی) عام آدمی پارٹی (آپ) کے رکن ِ اسمبلی نریش یادو کے قافلے پر نامعلوم حملہ آوروں نے گولیاں چلائیں جس میں ایک کارکن کی موت ہو گئی ہے ۔ آپ کی طرف سے کہا گیا ہے کہ مہرولی سیٹ سے نو منتخب رکن ِ اسمبلی نریش یادو کے قافلے پر گزشتہ دیر رات گولیاں چلائی گئی ہیں جس میں ایک شخص کی موت ہو گئی ہے اور ایک دیگر زخمی ہو گیا ہے

جسے نزدیکی اسپتال میں داخل کرایا گیا ہے جہاں ان کا علاج چل رہا ہے ۔ نریش یادو اپنے حامیوں کے ساتھ مندر سے اپنے گھر کی طرف واپس لوٹ رہے تھے کہ ارونا اصف علی روڈ پر کشن گڑھ گاؤں کے نزدیک ان کے قافلے پر ایک گاڑی میں آئے کچھ لوگوں نے گولیاں چلائیں ۔

This is shocking. Delhi is slowly becoming as lawless as UP. https://t.co/K2oMqktJWm

— Rohini Singh (@rohini_sgh) February 11, 2020

اس حملے کے سلسلے میں آپ کے سینئر لیڈر سنجے سنگھ نے دہلی میں نظم ونسق پر سوال اٹھایا ۔ انہوں نے ٹویٹ کر کے کہا’’ مہرولی رکن ِ اسمبلی نریش یادو کے قافلے پر حملہ اشوک مان کا سرعام قتل۔ یہ ہے دہلی میں قانون کا راج، مندر سے درشن کرکے واپس لوٹ رہے تھے نریش یادو ‘‘۔ جنوب مغرب ضلع کے ایک پولیس افسر نے بتایا کہ ابتدائی جانچ میں معلوم ہو ا ہے کہ حملہ آوروں کے نشانے پر نریش یادو نہیں تھے ۔ اس معاملے میں پولیس مزید جانچ کر رہی ہے ۔