پردھان منتری آواس یوجنا کے تحت 1.1 کروڑ مکانات کی تعمیر کے لئے منظوری

نئی دہلی ، 21 جنوری (یواین آیئ) مرکزی حکومت کے اہم پردھان منتری آواس یوجنا (شہری) کے تحت اب تک 1.1 کروڑ مکانات کی تعمیر کو منظوری دی جاچکی ہے جس میں سے 70 لاکھ سے زیادہ مکانات مختلف مراحل میں ہیں اور 41 لاکھ سے زیادہ مکانات تعمیر ہوچکے ہیں پردھان منتری آواس یوجنا۔

شہری ٹیکس سنٹرل کلیئرنس اینڈ مانیٹرنگ کمیٹی کے 52 ویں اجلاس میں 168،606 مکانوں کی تعمیر کی منظوری دی گئی۔ اس میٹنگ میں 14 ریاستوں اور مرکز کے زیر انتظام ریاستوں نے حصہ لیا۔ اجلاس کی صدارت یونین ہاؤسنگ اور شہری امور کے سکریٹری درگا شنکر مشرا نے کی۔

میٹنگ میں مسٹر مشرا نے بتایا کہ متعدد ریاستوں نے ماحولیاتی وجوہات ، بین شہری نقل مکانی اور مختلف قسم کے مستفید افراد کے لئے طے شدہ ترجیحات میں تبدیلیوں کی وجہ سے زمین کے سائز میں بدلاؤ کی وجہ سے مجوزہ منصوبے کا جائزہ لینے کی تجویزپیش کی ہے۔

اس اسکیم کے تحت 70 لاکھ سے زائد مکانات تعمیر کے مختلف مراحل میں ہیں اور 41 لاکھ سے زیادہ مکانات تعمیر ہوچکے ہیں۔ انہوں نے ریاستوں اور مرکز کے زیر انتظام ریاستوں سے پردھان منتری آواس یوجنا کو تیزی سے نافذ کرنے کی درخواست کی۔

مسٹر مشرا نے بتایا کہ “اس اسکیم کے تحت تعمیراتی کام تیز رفتاری سے جاری ہیں۔ انہوں نے ریاستوں اور مرکز کے زیر انتظام ریاستوں سے اپیل کی کہ وہ ایسے مکانات جلد مستفید افراد کو فراہم کرنے کی کوشش کریں۔ انہوں نے ریاستوں اور مرکز کے زیر انتظام ریاستوں سے بھی سستے نرخوں پر کرایہ پر مکانات کی فراہمی کی اسکیم پر عملدرآمد کو تیز تر کرنے کو کہا۔