پہلی بار آئٹم نمبر کرنے کو تیار ہیں انوشکا شرما

بالی ووڈ میں گزشتہ کافی عرصے سے فلموں کی کامیابی کا ناگزیر آئٹم سانگ کو مانا جاتا رہا ہے۔ اسی کا نتیجہ رہا کہ چھوٹی ہی کیا بڑی سے بڑی ہیروئنوں نے آئٹم نمبر کرنے سے پرہیز نہیں کیا۔ لیکن اب آہستہ آہستہ آئٹم نمبر کا خمار ہیروئنوں سے اترنے لگا ہے لیکن اس سے فائدہ اٹھانے کی امید انوشکا شرما کے دل میں ابھی باقی ہے۔ تبھی تو انہوں نے اپنی آنے والی فلم میں آئٹم نمبر کرنے کے لئے حامی بھر لی ہے۔ بالی ووڈ میں جب آئٹم نمبر کا بازار گرم تھا اس وقت اس کا فائدہ کٹرینہ کیف، پرینکا چوپڑہ، دپیکا پادوکون جیسی جمی ہوئی ہیروئنوں نے خوب اٹھایا۔ ان کی کامیابی کو دیکھتے ہوئے ہی انوشکا شرما بھی اپنی اگلی فلم کو ہٹ کرانا چاہتی ہے۔ دو ہزار آٹھ میں ’رب نے بنا دی جوڑی‘ فلم سے اپنے فلمی کیریئر کا آغاز کرنے والی انوشکا شرما ابھی تک آئٹم نمبر سے دور ہی رہی ہیں۔ اب وہ پہلی بار آئٹم نمبر کا سہارا لینے جا رہی ہیں۔ وہ فلم دل دھڑکنے دو میں جس آئٹم نمبر کو کرنے جا رہی ہیں اس میں ان کے ساتھ پرینکا چوپڑا، فرحان اختر، انیل کپور اور شیفالی شاہ بھی ہیں۔ ناظرین کی نگاہیں تو انوشکا شرما پر ہی ٹکی ہوں گی ایسا مانا جا رہا ہے کیونکہ وہ پہلی بار کسی آئٹم نمبر میں نظر آئیں گی۔ اس فلم میں انوشکا کے اپوزٹ ہیں رنویر سنگھ۔ گزشتہ کافی وقت سے بڑے پردے سے غائب رہنے کے بعد انوشکا شرما آنے والے دنوں میں کئی بڑی فلموں میں نظر آئیں گی۔ جس کی وجہ سے وہ لمبی چھلانگ بھی لگا سکتی ہیں۔ ان کی آنے والی فلموں میں عامر خان کے ساتھ پی کے، رنبیر کپور کے ساتھ بمبئی ویلویٹ اور رنویر سنگھ کے ساتھ دل دھڑکنے دو اہم ہیں۔ اگر انوشکا شرما کی فلم میں آئٹم نمبر کا جادو چل گیا تو یقینا انوشکا کو اس سے بڑا فائدہ ہو گا۔