پی سی بی نے اپنے کھلا ڑیوں کو انعام د ینے کا اعلان کیا

لاہور: پی سی بی نے فاتح قومی کرکٹرز کیلئے خزانے کا منہ کھول دیا،کینگروز کو کلین سویپ کرنے والے16رکنی سکواڈ میں شامل ہر کھلاڑی کیلئے 5،5لاکھ روپے انعام کا اعلان کیا گیا ہے، ٹاپ پرفارمرز کپتان مصباح الحق اور یونس خان10,10 جبکہ احمد شہزاد اور ذوالفقار بابر5،5 لاکھ اضافی وصول کریں گے۔تفصیلات کے مطابق چیئرمین پی سی بی شہریار خان نے لاہور میں میڈیا سے گفتگوکرتے ہوئے کہاکہ کیویز کیخلاف فتح پر ٹیم کا ہر کھلاڑی مبارکباد کا مستحق ہے، مصباح الحق کی کپتانی کے حوالے سے صورتحال واضح کرنے کا مثبت نتیجہ سامنے آیا، ٹیم کی کارکردگی میں استحکام اور اعتماد نظر آنے لگا جو ورلڈ کپ سمیت آئندہ اہم ایونٹس میں کام آئے گا۔