سیفئی اور آگرہ میں پولیس ٹریننگ سنٹر بنانے کا اعلان

لکھنؤ: اترپردیش میں پولیس جوانوں کی ٹریننگ کیلئے جلد ہی اٹاوہ اور آگرہ میں مزید دو ٹریننگ سینٹر کھولے جائیں گے ۔
سرکاری ذرائع نے آج یہاں بتایا کہ گزشتہ دنوں 40 ہزار سپاہیوں کی بھرتی کے بعد انہیں ٹریننگ دینے میں جو دقت پیش آئی تھی، اس کے بعد نئے سنٹر بنانے کا فیصلہ کیا گیا۔ نئے سنٹر ضلع اٹاوہ کے سیفئی اور آگرہ کے باہ میں کھولنے کا فیصلہ کیا گیا ہے ۔
انہوں نے بتایا کہ انہیں ملا کر ریاست میں کُل 14 پولیس ٹریننگ سینٹر اور کالج ہوجائیں گے ۔ اس وقت محکمہ کے کُل نو تربیتی مراکز کام کر رہے ہیں اور تین سنٹر زیر تعمیر ہیں۔