چنندہ فلموں کی وجہ سے کاجول کے ساتھ جوڑی اچھی لگتی ہے : شاہ رخ

ممبئی : بالی ووڈ کے کنگ خان شاہ رخ خان کا کہنا ہے کہ کاجول کے ساتھ چنندہ فلمیں کرنے کی وجہ سے ناظرین کو ان کی جوڑی اچھی لگتی ہے ۔شاہ رخ خان اور کاجول کی فلم ‘‘دلوالے ’’ ابھی حال ہی میں ریلیز ہوئی ہے ۔ ان کی جوڑی سلوراسکرین پر پانچ سال بعد نظر آئی ہے ۔ اس سے قبل شاہ رخ-کاجول نے سال 2010 میں فلم ‘‘مائی نیم از خان’’ میں کام کیا تھا۔ شاہ رخ نے اپنی اور کاجول کی ہٹ جوڑی کا راز کھولتے ہوئے کہا کہ وہ دونوں ایک ساتھ چنندہ فلمیں کرتے ہیں اسی لئے شائقین کو ان کی جوڑی ہمیشہ اچھی لگتی ہے ۔ شاہ رخ اور کاجول کو ساتھ کام کرتے ہوئے تقریباً 22 سال ہو گئے ہیں اور ان 22 سالوں میں دونوں نے الگ الگ زونر کی تقریبا ً 7 فلموں میں کام کیا ہے یہی وجہ ہے کہ اتنے سالوں بعد بھی ان کی جوڑی بہترین لگتی ہے جولوگوں کو دلکش لگتی ہے ۔فلم دلوالے کے پروموشن کے لئے شاہ رخ خان ، سلمان کے شو بگ باس میں بھی گئے تھے ۔شو کے بارے انہوں نے کہا کہ بگ باس میں جانا ہمارے لئے بہت اچھا تجربہ تھا لیکن میں نے کبھی یہ شو نہیں دیکھا اس کے باوجود مجھے کافی مزہ آیا۔