کھیت کی نگرانی کرنے گئے کسان کی مشتبہ حالات میں موت، لاش برآمد

مؤ: اترپردیش میں مؤ کے کوپا گنج علاقہ میں کھیت کی نگرانی کرنے گئے ایک کسان کی مشتبہ حالات میں موت ہوگئی ۔ اس کی لاش کھیت میں پڑی ہوئی ملی۔
پولیس ذرائع نے یہاں بتایا کہ کوپاگنج علاقہ کے علی پور گاوں میں رہنے والے کسان بسنت یادو (65) حسب معمول کل رات کھانا کھانے کے بعد گھر سے ٹیوب ویل پر سونے گیا تھا۔آج صبح ٹیوب ویل سے کچھ دور کھیت میں کسان کی لاش پڑی ہوئی ملی۔ رشتہ داروں نے قتل کا شبہ ظاہر کرتے ہوئے تھانہ میں شکایت درج کرائی ہے ۔
اس درمیان پولیس سپرنٹنڈنٹ شیوہری مینا نے کہاکہ پوسٹ مارٹم کے بعد موت کے سبب کا پتہ چل سکے گا۔ تفتیش کی جارہی ہے ۔