انکاؤنٹر میں 8 نکسلی ہلاک

کھمم:تلنگانہ۔ چھتیس گڑھ سرحد کے نزدیک سکما ضلع میں پولیس کے ساتھ آج ہوئی جھڑپ میں آٹھ نکسلی ہلاک ہو گئے ۔
تلنگانہ پولیس نے بتایا کہ کھمم ضلع کے چارلا منڈل سے 15 کلومیٹر دور گوٹي پاڑو جنگل میں پولیس اور نکسلیوں کے درمیان ہوئے تصادم میں آٹھ نکسلی ہلاک ہوگئے ۔ ہلاک شدگان نکسلیوں میں پانچ عورتیں بھی شامل ہیں۔
تلنگانہ پولیس اور چھتیس گڑھ مرکزی فورس نے نکسلیوں کے خلاف مشترکہ طور پر مہم چلائی تھی۔
پولیس نے جائے حادثہ سے ایک اے کے 47، دو ایس ایل آر اور تین رائفلیں برآمد کیں۔