نصرت جہاں نے پارلیمنٹ پہنچتے ہی کردیا شادی کا اعلان، ٹوٹے لاکھوں مداحوں کے دل

بنگلہ اداکاری نصرت جہاں کے چاہنے والے لاکھوں مداحوں کا دل اس وقت ٹوٹ گیا جب نصرت نے اپنی ایک تصویر شیئر کی، جس میں ان کے ہاتھ سے سگائی کی انگوٹھی دکھائی دے رہی ہے۔

پورے ملک اور خاص طورپر بنگال اورشمال مشرقی ہندوستان میں اس اداکارہ کی زبردست فین فالوائنگ ہے اورحال ہی میں رکن پارلیمنٹ بنیں نصرت کی شادی کی خبرسے کئی مداحوں کو بھی جھٹکا لگا ہے۔ لیکن خبریہ ہے کہ نصرت جہاں نے اپنے بوائے فرینڈ نکھل جین سے شادی کرنے کا فیصلہ کرلیا ہے۔

لوک سبھا الیکشن 2019 میں ترنمول کانگریس پارٹی کے ٹکٹ پر بشیرہاٹ لوک سبھا سیٹ پر الیکشن جیت کررکن پارلیمنٹ منتخب ہوئیں نصرت جہاں نے پارلیمنٹ احاطے کے باہرسے اپنی تصویرشیئرکی۔ حالانکہ اس تصویرمیں روایتی ہندوستانی لباس نہیں پہننے کے لئے انہیں اوران کی ساتھی رکن پارلیمنٹ ممی چکرورتی کو سوشل میڈیا پرٹرول کیا گیا تھا، لیکن نصرت کو اس ٹرولنگ سے کوئی خاص فرق نہیں پڑا۔