وندے بھارت ٹرین کی مکمل دیسی ٹکنالوجی سے تیاری:کشن ریڈی

 حیدرآباد : تلنگانہ کے ورنگل ضلع میں مرکزی حکومت کے فنڈس سے جاری ترقیاتی کاموں کا جائزہ لینے کے لئے مرکزی وزیر کوئلہ کشن ریڈی نے آج سکندرآباد سے ورنگل تک وندے بھارت ٹرین میں سفر کیا۔ انہوں نے سفر کے دوران مسافروں سے بھی بات چیت کی۔

ورنگل پہنچنے کے بعد انہوں نے مندر میں درشن کئے۔ بعد ازاں میڈیا سے بات کرتے ہوئے انہوں نے کہا کہ وہ ورنگل میں جاری اور مجوزہ ترقیاتی منصوبوں جیسے ایئرپورٹ، ریلوے کوچ فیکٹری، ہزار ستونوں کا مندر، میگا ٹکسٹائل پارک، اسمارٹ سٹی پراجکٹ اور بجلی سے متعلق کاموں  کی پیشرفت کا جائزہ لینے کے لئے وندے بھارت ٹرین کے ذریعہ یہاں پہنچے ہیں۔

انہوں نے بتایا کہ مرکزی حکومت کے مختلف محکموں کے حکام سے ملاقات کرکے ترقیاتی کاموں کی تفصیلات حاصل کی ہیں۔

کشن ریڈی نے واضح کیا کہ جلد ہی وزیراعظم نریندر مودی کے ہاتھوں میگا ٹکسٹائل پارک کا افتتاح کیا جائے گا۔