لکھنؤ۔(نامہ نگار)۔ مہا نگر پولیس نے دو گاڑی چوروں کو گرفتار کرتے ہوئے ان کے پاس سے چوری کی دو موٹر سائیکلیں برآمدکیں ۔ انسپکٹر مہا نگر ناگندر چوبے نے بتایا کہ دو شنبہ کی دیر شب چھنی لال چووراہے کے نزدیک چیکنگ کے دوران پولیس نے دو موٹر سائیکل سوار لوگوں کو شک کی بنیاد پر پکڑا۔ پولیس نے جب دونوں سے موٹر سائیکل کے کاغذات مانگے تو وہ ایک بھی کاغذ نہیں دکھا سکے۔ شک ہونے پر پولیس نے جب دونوں سے سختی سے پوچھ گچھ کی تو دونوں نے بتایا کہ مذکورہ دونوں موٹر سائیکلیں انہوں نے حسن گنج علاقہ سے چوری کی تھیں۔ پوچھ گچھ میں پکڑے گئے گاڑی چوروں نے اپنا نام حسن گنج کا افضل اور ٹھاکر گنج کا ونود مشرا بتایا۔
