گونڈہ(وارتا)۔اترپردیش کے گونڈہ کی امری بیگم گنج علاقہ میں ایک نوجوان کے ذریعہ کی گئی پٹائی سے اس کی ماں کی موت ہو گئی۔ پولیس ذرائع نے آج یہاں بتایا کہ بدلے پور گاؤں میں جگت نرائن کا بیٹا پون کمار کام سے لوٹنے پر کھانا کھاتے وقت کسی بات سے ناراض ہو گیا اور اس نے اپنی ماں ، بھابھی اور بیوی کی پٹائی کر دی۔پون کے ذریعہ کی گئی پٹائی سے شدید طور سے زخمی اس کی ماں جگپتا کی اسپتال لے جاتے وقت موت ہو گئی۔ پولیس نے غیر ارادتاً قتل کا مقدمہ درج کرکے مفرور پون کی سرگرمی سے تلاش شروع کر دی ہے۔
