خاتون سے چین لوٹنے کی کوشش ناکام

لکھنؤ(نامہ نگار)بازار کھالہ علاقہ میں موٹر سائیکل سوار بدمعاشوں نے سر راہ خاتون سے چین لوٹنے کی کوشش کی لیکن بدمعاش اپنے ارادے میں کامیاب نہیں ہو سکے ۔ بدمعاشوں کے خوف سے سہمی خاتون نے شور مچایا تو پکڑے جانے کے ڈر سے وہ فرار ہو گئے ۔ متاثرہ نے گھر پہنچ کر اس بات کی اطلاع اپنے اہل خانہ کو دی ۔ دیر شب تک پولیس کو کوئی تحریر نہیں دی گئی ۔ موتی جھیل کے رہنے والے طیب کی اہلیہ نسرین اپنے گھر سے باہر نکل کر دوا لینے جارہی تھی ۔ نسرین جب گھر سے نکلی تھی تو رات نوبجے کا وقت تھا ۔ نسرین نے بتایا کہ پیچھے سے تیز رفتار موٹر سائیکل سوار آئے اور ان کے گلے پر جھپٹہ مارا ۔ نسرین کی قسمت اچھی ہونے کے سبب ان کی چین بدمعاش نہیں لے جاسکے ۔ ڈری سہمی نسرین نے شور مچانا شروع کیا تو بدمعاش فراٹا بھرتے ہوئے فرار ہو گئے ۔