مال گاڑی کے ڈبے میں آگ لگی

اٹاوہ:اترپردیش کے اٹاوہ میں دہلی ہوڑہ ریل روٹ پر کوئلہ لدے مال گاڑی کے ایک ڈبے میں آج لگنے سے افراتفری مچ گئی۔
فائربریگیڈ محکمہ کے ایک افسر نے یہاں بتایا کہ سرائے بھوپت اسٹیشن کے نزدیک صبح چھ بجکر 45منٹ پر پانی پت جارہی مال گاڑی کے ایک ڈبے میں ریلوے کے ملازمین نے دھواں اٹھتا دیکھا۔ اس کے بعد مال گاڑی کو لوپ لائن پر کھڑاکرکے فائر بریگیڈ کو اس کی اطلاع دی گئی۔
اطلاع ملنے پر فائربریگیڈ کے ساتھ پہنچے کارکنوں نے سخت مشقت کے بعد آگ پر قابوپایلا۔ آگ بجھنے کے بعد ریلوے کے افسران نے راحت کی سانس لی۔ آگ لگنے کے اسباب کی جانچ کی جارہی ہے ۔