نئی دہلی:قومی راجدھانی میں آج بھی کہرا رہا جس کی وجہ سے ٹرینوں کی آمد و رفت متاثر رہی اور مسافروں کو بہت دقت اٹھانی پڑی۔
کم از کم درجہ حرارت میں کل کافی کمی آگئی تھی۔ آج یہ 8 ڈگری رہا۔
شہر سے آنے جانے والی ٹرینوں کے چلنے میں کہرے سے بہت خلل پڑرہا ہے ۔ کل 12 ٹرینوں کا وقت تبدیل کیا گیا ہے جبکہ دہلی آنے والی 52 ٹرینیں تاخیر سے چل رہی ہیں۔ تاہم پروازوں کی آمد و رفت متاثر نہیں ہے ۔
آئندہ دنوں میں بھی موسم ایسا ہی رہنے کی توقع ہے ۔ محکمہ موسمیات کے ایک افسرنے بتایا کہ زیادہ سے زیادہ درجہ حرارت 24 ڈگری رہے گا۔
