بینک میں لوٹ مار، مزاحمت کرنے پر دکاندار کا قتل

سمستی پور: بہار میں سمستی پور ضلع کے دلسنگھ سرائے تھانہ علاقے میں واقع ایک نیشنل بینک میں گھس کر چند مسلح بدمعاشوں نے روپے لوٹ لئے جس کی مزاحمت کرنے پر ایک دکاندار کو گولی مار کر قتل کردیا.
پولیس ذرائع نے آج یہاں بتایا کہ اسینچک گاؤں میں واقع بینک آف بڑودہ کی ہری شنکرپور برانچ میں کچھ مسلح بدمعاش پچھلی کھڑکی کو کاٹ کر اندر داخل ہوئے اور بینک کے روپے لوٹ لیے ۔ برآمدے میں سورہے ایک کیرانہ کے دوکاندار منجیت ساہنی (60) نے جب اس کی مزاحمت کی تو بدمعاشوں نے اسے گولی مار کر قتل کردیا۔
ذرائع نے بتایا کہ دیہاتیوں سے موصولہ اطلاعات کی بنیاد پر پولیس اور بینک افسران جائے وقوع پر پہنچ گئے ہیں بینک سے کتنے روپے لوٹے گئے اس کا انکشاف ابھی نہیں ہو سکا ہے ۔