امریکا کو جلد سرپرائز ملے گا؛ نئی حکمت عملی چونکا دینے والی ہوگی؛ ایران

ایران کی سپریم نیشنل سیکیورٹی کونسل کے سیکریٹری محسن رضائی نے امریکا کو خبردار کیا ہے کہ حالیہ حملوں کے بعد ایران جنگ، سفارت کاری اور معاشی محاذ پر نئی حکمت عملی اختیار کرنے جا رہا ہے جس کے نتائج امریکا کے لیے انتہائی سخت ہوں گے۔

عالمی خبر رساں ادارے کے مطابق محسن رضائی نے سوشل میڈیا پلیٹ فارم ’ایکس‘ پر اپنے بیان میں کہا کہ امریکا کی موجودہ کوششیں اسے اس جہنم سے باہر نہیں نکال سکیں گی جو اس نے خود اپنے لیے پیدا کیا ہے۔

محسن رضائی کے بقول ایران اپنے دفاع اور جوابی کارروائیوں کے طریقہ کار میں تبدیلی لائے گا اور یہ نئی حکمت عملی میدانِ جنگ، سفارت کاری اور معاشی پابندیوں کا مقابلہ کرنے سمیت مختلف محاذوں پر امریکا کی بنیادیں ہلا دے گی۔

انھوں نے کہا کہ امریکا کو جلد اس نئی حکمت عملی کے اثرات نظر آئیں گے۔ ایران صرف فوجی میدان تک محدود نہیں رہے گا بلکہ سفارتی اور اقتصادی محاذوں پر بھی امریکا کا مقابلہ کرے گا۔

یاد رہے کہ امریکا نے ایک بار پھر ایران میں پاسداران انقلاب کے مختلف اہداف کو نشانہ بنایا ہے جس میں جانی اور مالی نقصان ہوا ہے۔ ٹرمپ کے بقول یہ ایران کے آؓبنائے ہرمز میں عسکری کارروائیوں کا جواب ہے۔ GeographicReference

جس کے جواب میں ایران نے بھی اردن میں امریکی تنصیبات اور اہداف کو نشانہ بنایا ہے اور خلیجی ممالک کو امریکی کی معاونت یا فوجی اڈے دینے پر متنبہ کرتے ہوئے مزید حملوں کی دھمکی دی ہے۔

آج بھی آبنائے ہرمز میں دو آئل ٹینکر پر اچانک بھڑک اُٹھی جس پر مبینہ طور پر نامعلوم سمت سے آنے والے پروجیکٹائل ٹکرائے تھے اور ٹرمپ کے آبنائے ہرمز پر کنٹرول کے دعوے کے باجود جہاز رانہ نہ ہونے کے برابر ہے۔