خادم حرمین شریفین کے متعدد شاہی فرمان جاری، کئی نئی تقرریاں و سبکدوشیاں

خادم حرمین شریفین شاہ سلمان بن عبدالعزیز کے متعدد شاہی فرمان جاری کردیے گئے ہیں۔

سعودی میڈیا کے مطابق فرامین میں نئے وزرا، پبلک پراسیکیوٹر سمیت کئی تقرریاں کی گئی ہیں جبکہ متعدد سبکدوشیاں بھی ہوئی ہیں۔

فہد بن عبدالجلیل آل سیف کو وزیر سرمایہ کاری مقرر کیا گیا ہے جبکہ وزیر سرمایہ کاری خالد بن عبدالعزیز الفالح وزیر مملکت، کابینہ رکن مقرر کیے گئے ہیں۔

شہزادہ ڈاکٹر بندر بن عبداللّٰہ المشاری کو وزیر داخلہ کا مشیر بنایا گیا ہے، ڈاکٹر خالد بن محمد الیوسف کو نیا پبلک پراسیکیوٹر بنادیا گیا۔

شیخ سعود بن عبداللّٰہ المعجب کو ایوان شاہی کا مشیر بنایا گیا ہے۔