پانچ سو ساٹھ امریکی فوجی ہلاک یا زخمی کیے، ایرانی سرکاری میڈیا کا دعویٰ

تہران: ایرانی سرکاری میڈیا نے دعویٰ کیا ہے کہ حالیہ جھڑپوں اور حملوں کے دوران اب تک 560 امریکی فوجی ہلاک یا زخمی ہو چکے ہیں۔

ایرانی سرکاری میڈیا کے مطابق 3 امریکی اور برطانوی آئل ٹینکروں کو میزائلوں سے نشانہ بنایا گیا ہے۔ یہ ٹینکر خلیج فارس اور آبنائے ہرمز میں موجود تھے۔

پاسداران انقلاب کا کہنا ہے کہ نشانہ بنائے گئے امریکی اور برطانوی ٹینکرز میں آگ بھڑک اٹھی ہے اور وہ اس وقت سمندر میں جل رہے ہیں۔

دعویٰ میں کہا گیا ہے کہ امریکی نقصانات خطے میں جاری عسکری کارروائیوں کے نتیجے میں ہوئے۔

یہ بھی پڑھیں: ایرانی بحریہ کے 9 جہاز تباہ کر دیئے، امریکی صدر کا دعویٰ

تاحال ان دعوؤں کی آزاد ذرائع سے تصدیق سامنے نہیں آئی ہے۔ جبکہ امریکی اور برطانوی حکام کی جانب سے بھی فوری طور پر کوئی باضابطہ ردعمل جاری نہیں کیا گیا۔