عرفان خان کی گمشدہ فلم انتقال کے چھ سال بعد ریلیز، مداح حیران

عرفان خان اور ودیا بالن کی غیر ریلیز شدہ فلم ’’دی لاسٹ ٹیننٹ‘‘ یوٹیوب پر جاری کردی گئی

سینما کے لیجنڈری اداکار عرفان خان کی ایک نایاب اور طویل عرصے سے غائب فلم بالآخر ان کے انتقال کے چھ سال بعد مداحوں کے لیے جاری کردی گئی، جس نے شائقین کو حیرت اور جذبات میں مبتلا کر دیا۔

 میڈیا رپورٹس کے مطابق عرفان خان کی چھٹی برسی کے موقع پر ان کی اور ودیا بالن کی پرانی، غیر ریلیز شدہ فلم ’’دی لاسٹ ٹیننٹ‘‘ کو یوٹیوب پر پیش کیا گیا ہے۔

یہ فلم تقریباً 25 برس تک منظرعام سے دور رہی اور اب پہلی بار ناظرین کو دیکھنے کا موقع ملا ہے۔

فلم کو ریلیز ہوتے ہی غیر معمولی توجہ حاصل ہوئی، جہاں صرف تین دنوں میں اسے دو لاکھ سے زائد مرتبہ دیکھا گیا، جو ناظرین کے تجسس اور دلچسپی کا واضح ثبوت ہے۔

’’دی لاسٹ ٹیننٹ‘‘ 2000 میں محدود وسائل کے ساتھ تیار کی گئی تھی۔ اس کی ہدایت کاری اور تحریر سارتھک داس گپتا نے کی، جبکہ پروڈکشن نیینا اور سارتھک داس گپتا نے مشترکہ طور پر سنبھالی۔